Ballina BreadCrumbTrailer Lajme

Qeveria e Kosovës miraton kërkesën e Ministrisë së Forcës së Sigurisë për dërgimin e kontingjentit për operacione humanitare në Republikën e Shqipërisë

shkarko me rezolucion më të madhshkarko me rezolucion më të madhshkarko me rezolucion më të madhshkarko me rezolucion më të madhshkarko me rezolucion më të madh

Prishtinë, 6 dhjetor 2017

Qeveria e Republikës së Kosovës, duke gjykuar nga situata e krijuar nga vërshimet dhe përmbytjet në Republikën e Shqipërisë, ka miratuar kërkesën e Ministrisë së Forcës së Sigurisë së Kosovës për dërgimin e një kontingjenti të Forcës së Sigurisë së Kosovës në operacion humanitar në Republikën e Shqipërisë.

Ministria e Forcës së Sigurisë së Kosovës ka pranuar dje pasdite, një kërkesë zyrtare nga Ambasada e Republikës së Shqipërisë në Kosovë, për mbështetje logjistike nga Forca e Sigurisë së Kosovës në ndihmë të zonave të përmbytura në Republikën e Shqipërisë.

Në kërkesë, në mënyrë te veçantë, është specifikuar nevoja për sigurimin e urave të montazhit. Kërkesa mbështetet edhe në kërkesën e ministres së Mbrojtjes së Republikës së Shqipërisë për mbështetje, dhe në nevojën e madhe të vendbanimeve në zonat e Vlorës dhe Fierit, të cilat kanë mbetur të izoluara nga dëmtimi dhe shkatërrimi i urave.

Qeveria ka miratuar vendimin për dërgim të kontingjentit humanitar të Forcës së Sigurisë së Kosovës në Republikën e Shqipërisë. Mbështetja financiare e operacionit humanitar do të sigurohet nga Buxheti i Republikës së Kosovës.

Në mbledhjen e sotme, Qeveria ka miratuar një vendim për ndarjen e 30 mijë eurove për mbështetjen e trajtimit shëndetësorë jashtë vendit, të ish-kryeministrit në ekzil dhe ish-zëvendëskryeministrit, Bujar Bukoshi.

Kryeministri ka njoftuar kabinetin qeveritar për takimin e sotëm të Këshillit Ndërministror për Ujëra dhe amandamentimin e marrëveshjes me Qeverinë Zvicerane për mbështetjen e këtij sektori.
Kryeministri ka kërkuar nga anëtarët e kabinetit qeveritar që të jenë prezentë në diskutimin e buxhetit të Republikës së Kosovës për vitin 2018, në Kuvend.
 

06.12.2017 10:59
Prapa

Agjenda ditore

14 dhjetor 2017

1.Kryeministri Ramush Haradinaj  merr pjesë në konferencën “Bujqësi e qëndrueshme, pylltari dhe zhvillim rural”, organizuar nga Ministria e Bujqësisë, Pylltarisë dhe Zhvillimit Rural.

VENDI: Hotel Amazona
KOHA: 09:00

2. Kryeministri Ramush Haradinaj merr pjesë në takimin e 15-të të Këshillit Ministror të Komunitetit të Energjisë.

VENDI: Hotel Swiss Diamond
KOHA: 14:00

3. Kryeministri Ramush Haradinaj merr pjesë në Akademinë përkujtimore në 19-vjetorin e rënies së Heroit të Kosovës, Mujë Krasniqi.

VENDI: Salla e Kuqe-Pallati i Rinisë
KOHA: 16:00

 

Shkruaj Kryeministrit

KOSOVO IN UNESCO