Ballina BreadCrumbTrailer Lajme

Qeveria e Republikës së Kosovës i vendos sanksione Federatës Ruse

shkarko me rezolucion më të madh

Prishtinë, 17.09.2014
 
Në mbledhjen e sotme të Qeverisë së Republikës së Kosovës është aprovuar vendimi për vendosjen e sanksioneve për Federatën Ruse. Vendimi është në koordinimin e plotë me partnerët  e shtetit të Kosovës, Bashkimin Evropian dhe Shtetet e Bashkuara të Amerikës.
 
Qeveria e Republikës së Kosovës vlerëson se vendimi është në dobi të ruajtjes së rendit ndërkombëtarë dhe është përpjekje për të dënuar shkeljen e sovranitetit të një shteti të pavarur, dhe agresionin e Federatës Ruse ndaj Ukrainës.

Ky vendim dëshmon se Kosova po trajtohet me dinjitet, dhe në mënyrë të barabartë, në marrëdhëniet ndërkombëtare. Vendimi parasheh një listë të institucioneve të ndryshme që duhet të jenë  zbatuese të vendimit për sanksione.
 
“Qeveria e Republikës së Kosovës, mbështet sanksionet e institucioneve të Bashkimit Evropian dhe të Shteteve të Bashkuara të Amerikës ndaj autoriteteve të Federatës Ruse.

Sanksionet do të jenë në fuqi deri në një vendim tjetër, varësisht nga rrethanat që mund të krijohen” ka deklaruar kryeministri Hashim Thaçi. 

17.09.2014 16:24
Prapa

Agjenda ditore

19 nëntor 2017

Kryeministri i Republikës së Kosovës, Ramush Haradinaj me bashkëshorten Anita Haradinaj, do të votojnë nesër, e diel, 19.11.2017,  në orën 10:00 në Shkollën e Mjekësisë “Ali Sokoli”, në Prishtinë.

20 nëntor 2017

Me rastin e vizitës së Kongresmenit Amerikan në Kosovë, Eliot Engel, janë paraparë këto ngjarje:


1. Homazhe tek Pllaka përkujtimore për viktimat hebraike në Kosovë.

VENDI: Oborri i Qeverisë së Kosovës
KOHA: 07:45

2. Mbledhja solemne e Qeverisë.
 Mediat mund të marrin pamje dhe të përcjellin mbledhjen solemne nga Press Qendra.

VENDI: Ndërtesa e Qeverisë
KOHA: 08:00

3. Konferencë e përbashkët për shtyp e Kryeministrit Haradinaj dhe Kongresmenit Engel.

VENDI: Ndërtesa e Qeverisë
KOHA: 09:00

4. Kryeministri Ramush Haradinaj merr pjesë në konferencën për lansimin e fondacionit Sfidat e Mileniumit në Kosovë.

VENDI:
Hotel Swiss Diamond
KOHA: 10:00          

5. Kryeministri Haradinaj pret në takim Jonathan Nash, kryeshef ekzekutiv i MCC (Sfidat e Mijëvjeçarit).
Mediat mund të marrin pamje dhe pas takimit do të ketë konferencë për shtyp.

VENDI: Ndërtesa e Qeverisë
KOHA: 16:00

Shkruaj Kryeministrit

KOSOVO IN UNESCO